Taraweh Munggaran Ceuceu.

Malam ka dalapan romadon kuring karek bisa ngalaksanakeun taraweh. Romadon taun ayna mangrupakeun romadon munggaran pikeun Ceuceu milu taraweh. Ayna geus 2,5th umurna teh. Geus mimiti bisa di atur mun di bawa ka masjid. Taun - taun ka tukang mah can wani mawa Ceuceu ka masjid da puguhan masih leutik can bisa ditinggalkeun jeung bisi ngaganggu kanu lain.

Ti sore keneh geus diwawadian yèn engke peuting Ceuceu rèk diajak ka masjid milu taraweh. Sumanget budak teh bari enya ge can ngarti.

"Mah, ceuceu ge mau di ajak tawareh ya mah?" tanyana.
"Muhun, sanes tawareh atuh Ceu, tapi taraweh." cekeng tèh.
"Iya mah tawareh". Pok na deui.
"Ta ra weh..." teges kuring
"Ta ra weh tawareh." pokna nurutan bari masih salah ujugna.

Ngong adzan isya, budak leutik riweuh ngajak wudu da rèk miluan sholat taraweh.
Singget carita nepi di masigit.
Ceuceu gèk diuk bari rutret ka sakuriling masjid, manehna bangun nu aneh da kakara dibawa solat berjamaah ka masjid.

"Mah, ini tèh rumah?" tanyana.
"Muhun ini tèh rumah Allah buat sholat berjamaah. Engke Ceuceu ngiringan sholat teu kenging bangor nya?!"ceuk kuring. Ceuceu unggeuk.

Sholat isya tamat Ceuceu miluan sholat, sholat taraweh ngan kuat 4 rokat, geus kitu manehna kalah gogolehean.

Beres taraweh, kuring nanya.
"Kunaon Ceu gak ikutan sholat lagi?"
"Meni banyak banyak teuing sholatnya, da ceuceu tèh cape atuh mah."pokna tèh.
"Iya kan sholat taraweh jadi banyak." cekeng tèh
"Oh... Ceuceu mah masih kecil jadi sedikit dulu sholatnya yah, besok mau sholat lagi."ceuk Ceuceu
"Pamali atuh pami teu diteraskeun mah" cekeng tèh.
"Ya Allah maafin ceuceu sholatnya sedikt dulu gak banyak banyak." tembal ceuceu

Kuring ngan nyengir, aya aya wae polah Ceuceh hehe

Alhamdulillah... Pangalaman pertama bawa Ceuceu ka masjid.

Read More